Wasaaradda Arimaha Gudaha Somaliland oo Soo Saartay Awaamiir Lagu Farayaayo Muwaadiniinta iyo Ajaanibka Qaadashad Kaadhadhka Aqoonsiga

Hargaysa – (warsoro) – Wareegto  ka soo baxday xafiiska wasiirka Arimaha Gudaha Somaliland ayaa lagu amray hay’adaha amaanka Qaabilsan inay dhaqan-galiyaan wareegtaddan lagu xoojinaayo qaadashada kaadhadhka muwaadiniinta iyo Ajaanibka dalka jooga.

Wasiirka Arimaha Gudaha Somaliland Cali Maxamed Waran-cadde oo bishii 31 March, 2016 soo saaray digniin lagu farayaayo in la qaata kaadhadhka Aqoonsiga muwaadinka iyo Ajaanibka, ayaa maanta oo isniina lagu faray hayadaha amnigu inay waydiiyaan muwaadinka iyo ajaanibka gaadhadhka aqoonsiga.

IMG_1005

Wasiirka Wasaaradda Arrimaha Gudaha Jamhuuriyada Somaliland  mudane  Cali MAxamed Waran-cadde   ayaa manta Soo Saaray Wareegto  uu  ku  amrayo  Ciidamada Boliska , Laanta Socdaalka iyo  Sirdoonka Qaranka Somaliland

Wasiirka  Wasaarada Arrimaha Gudaha Somaliland    ayaa wareegtadiisan ku yidhi, “Sidaas awgeed  waxaa  la bilaabayaa olole lagu  baadhayo dadka  laguna  kala saarayo  Qofka   muwaadinka  ah  ee sita  Kaadhka aqoonsiga  Dhalashada   ama  Kaadhka  Degenaanshaha  ajaanibka. Waxaanay  ciidamada amnigu  billaabi  doonaan  Baadhis  Iyo In Dadka La Joojiyo  iyadoo  baabuurtana lagu  joojin  doonaa  waddooyinka.

Waxaana  Dadkaa la weydiin  doonaa: Kaadhka  Aqoonsiga Muwaadinka iyo Kaadhka  Degenaanshaha  Ajaanibka

Hadaba  waxaa la idin  farayaa  in aad u  diyaar garawdaan  habeenka  arbacadu soo galayso ee bishu  tahay  11/05/2016 iyada  oo ay  hawshan  ka qayb  gali  doonaan  Ciidamada Boliska, Waaxda  socdaalka iyo Sirdoonka qaranka JSL.”

This post is also available in: Somali

Leave a Reply

Your email address will not be published.

This site uses Akismet to reduce spam. Learn how your comment data is processed.

Share via
Copy link
Powered by Social Snap