Turkiga – (warsoor) – Heshiiska dhex maray midowga Yurub iyo Turkigu waxaa halka kaliya ee suurto galk ka dhici kara in lagu joojinaayo qulqulka tahriibayaasha doonaya inay ka soo gudbaan badaha u dhexeeya Yurub iyo Afrika, sidaasi waxaa sheegay gudoomiye ku-xigeenka Midowga Yurub Frans Timmermans.

Heshiiska Midwoga Yurub iyo Turkigu waxaa uu dhigaa in dib loogu celiyo xeebaha Giriiga iyo Turkiga

kumanaan tahriibayaal ah. Heshiiskan waxaa si ba’an u cambaareyey hayadda qaramadda midoobay u qaabilsan Qaxootiga iyo hayadda xuquuqal Insaanka qaabilsan kuwaasi oo ku tilmaamay heshiiskan inuu yahay mid aan damiin lahay sidoo kalena ku xad-gudbaya shuruucda bani’aadamka ee caalamiga ah.

Gudoomiye ku-xigeenka Midowga Yurub Frans Timmermans oo aragtidiisa ka dhiibanaya heshiiskan ayaa yidhi, “Aragitiday Heshiiska Turkiga aanu la galanay waxaan u arkaaa inuu yahay habka wax looga qaban karo dhibaataddaa”, Timmermas ayaa intaas ku sii daray, “Kuwa Heshiiskan cambaaraynaya waligoodna keeni maayaan wax lagu badalo oo aanu kuwadda shaqayn karno”.

Gudoomiye ku-xigeenka Midowga Yurub Frans Timmermans ayaa sheegay in aanay fududayn in muwaadiniinta Turkiga ee soo dalbanaya inay waddamada Yurub galaan ay bilaa fiise ku galaan waddamada Yurub.