Ra’iisul Wasaare Rooble oo magacaabay koox farsamo oo qaabilsan hagidda iyo isu duwidda qorshaha doorashada

MUQDISHO – (WARSOOR) – Ra’iisul Wasaaraha Xukuumadda federaalka Soomaaliya Mudane Maxamed Xuseen Rooble oo ballan qaaday hoggaaminta geeddi socod doorasho oo deg deg ah, laguna kalsoonaan karo ayaa magacaabay koox farsamo oo qaabilsan hagidda iyo isu duwidda qorshaha doorashada Ra’iisul Wasaaraha ee doorasho xilligeeda ku dhacda, xor iyo xalaal ah, kuna saleysan heshiiskii 27-kii May.

Kooxdaan ayaa xiriirin doonta Golaha Wada-tashiga Qaran, Beesha Caalamka, iyaggoo sidoo kale taageero farsamo siin doona guddiyada madaxa bannaan ee doorashooyinka.