WASHINGTON – (WARSOOR) – Xubnaha xisbiga Jamhuuriga u matala Aqalka Wakiillada Mareykanka ayaa mar kale Talaadadi shalay isku dayay inay soo magacaabaan murashax cusub oo isu soo taaga xilka Afhayeenka Aqalka.
Arrintan ayaa imaneysa kadib marki xildhibaan Tom Emmer uu noqday musharraxii ugu danbeeyay ee dhibane u noqda khilaafka u dhaxeeya Jamhuuriyiinta Aqalka Wakiillada.
Xildhibaan Mike Johnson oo laga soo doorto gobolka Louisiana ayaa hadda hoggaanka u haya mudanayaasha u hanqal-taagaya xilka afhayeenka aqalka wakiillada, kaddib marki uu 85 cod ka helay fadhi ay albaabada u xirnaayeen oo ay mudanayaasha Jamhuuriga yeesheen.
Emmer ayaysan kala caddeyn inuu ka fakan doono kala qeybsanaanta xagal-daacisay rajooyinki musharraxiinti isaga ka horreeyay ee waayay codka aqlabiyadda Aqalka.
Aqalka Wakiillada Mareykanka ayaa hoggaan la’aan ah tan iyo 3-di bishaan October, kaddib marki xilka laga tuuray afhayeenki hore Kevin McCarthy.