Waftigii Kaanbaynka Ololaha Xisbiga Kulmiye Ee Uu Hogaaminayey Xildhibaan Obama Oo Ka Hilaacay Gobolada Galbeedka Somaliland

Allay-Baday – (warsoor) – Waftigii  Ololaha Kaanbaynka  ee uu Hogaaminayo Xildhibaan Maxamed Cali Xirsi  (Obama) ayaa maanta gaadhay Gobolka Awdal xaruntiisa Magaalada Boorama, waxaana uu banana baxyada ololaha Xisbiga Kulmiye kala galay  oo galay Maalintii Saddexaad  ka mid ahaa wafti uu horkacaayey Gudoomiyaha xisbiga Kulmiye Muuse Biixi Cabdi iyo Xubno kamida Golaha Wasiirada Xukuumada.

Ka Dib markii uu soo dhamaaday  Banaan baxa muujinta Taageerayaasha Xisbiga Kulmiye Cududooda, ayaa waxaa uu Xildhibaan Maxamed Cali Xirsi iyo waftigii uu hogaaminayey u kicitimeen  dhanka Gobolka Gabiley iyagoo gaadhay islamarkaana lagu soo dhaweeyey Deegaanada , Geed Balaadh iyo Allay Baday, waxaana uu Xildhibaanku taageerayaasha deeganadaasi kala qeyb galay munaasibado kala duwan oo ay  ugu talo galeen muujinta taageeradadooda ay u hayaan Xisbigaasi.

Xildhibaan Maxamed Cali Xirsi Obama oo dhammaan  munaasibadahaasi ka hadlay ayaa shacabka ku booriyey ugana mahad naqay sida ay usoo dhaweeyen  sidoo kalena ay  ugu heelan yihiin Xisbigooda, waxaa uu kula dar daarmay inay ilaaliyaan midnimada iyo wadajir Somaliland isalmarkaan ay dhawraan hanaanka Dimuqraadiyada, Waftiga Xildhibaan ayaa waxaaa qeyb ka ahaa Ciyaaraha Baam-Bodayda kuwaasi oo dhammaan deeganadii uu maray waftigu si weyn loogu riyaaqay inuu wakhtigan Xildhibaan Obama kusoo kordhiyey saaxada Ololaha Doorashada Somaliland wax ku cusub oo ah Baam-boy.

Mudane Maxamed Cali Xirsi ayaa  sidoo  khud bad ka jeediyey Munaasibad  balaadhan oo lagu sameeyey Deegaanka Allay-Baday, halkaasi oo uu  kaga hadlay isbedelka loo baahan yahay, waxaana uu xusay inuu Muuse Biixi Cabdi Murashaxa Madaxweyne ee Xisbiga Kulmiye uu yahay maanta ka ku haboon hogaaminta Dalka, loona baayahan yahay in sid midaysan loo doorto, waxa kale oo uu hoosta ka xariiqay in danta dalka iyo dadkuba ay  ku jirto hogaaminta Muuse Biixi Cabdi isagoo shacabka ku adkeeyey inay 13-ka November codka siiyaan murashaxooda.

Halkan ka daawo warkan:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.