Hargeysa – (warsoor) – Shirkadda Telesom ayaa markii ugu horaysay si rasmi ah uga hadashay sababta guddoomiyaha shirkadda Telesom loogu xulay inuu u tartamo agaasimaha ugu wanaagsan shirkaddaha isgaadhsiinta iyo Tiknoolajiyadda ee abaalmarinta Africacom ee sanadka 2018, sida uu waraysi ku siiyey Agaasimaha Horumarinta Bulshada ee Shirkadda Telesom, Cabdiwahaab Maax laanta VOA.
Maax ayaa sheegay in Cabdikariin Maxamed Iid iyo xubnaha la tartamaya ay soo xuleen Guddida Sare ee shirweynaha Africacom ee isgaadhsiinta iyo Tiknoolajiyadda, laguna soo xulay adeega Sarifka lacaga moobilka, adeegga ZAAD iyo horumarka adeeggani ku soo kordhiyey dhaqaalaha Somaliland iyo adeegyadda kale ee shirkadu daahfurtay sanaddan u dambeeyey ee ay ka mid yihiin adeegga cloud iyo adeegyaada kale ee casriga ah ee VAS.
Halkan ka daawo waraysiga Shirkadda: