Hargeysa – (warsoor) – Madaxweynaha Jamhuuriyadda Somaliland Md. Axmed Maxamed Siilaanyo ayaa maanta digreeto madaxweyne waxaa uu ku magacaabay Todobada degmo oo cusub oo hoos iman doonoa shan-gobol oo Somaliland ah.

Digreetadda Madaxweynaha oo uu ku saxeexan yahay afhayeenka Madaxtooyadda Somaliland Md. Cabdiraxmaan Sh. Cilmi Faahiye. Nuxurka digreetaddan ayaa u dhignayd sidan:

“Madaxweynuhu Wuxuu go’aansaday;

Ø  In uu Balli-mataan  u magacaabo Degmo, taasi oo ka tirsanaan doonta Gobolka Maroodi-jeex.

Ø  In uu Geba-gebo  u magacaabo Degmo, taasi oo ka tirsanaan doonta Gobolka Togdheer.

Ø  In uu Faqayuub  u magacaabo Degmo, taasi oo ka tirsanaan doonta Gobolka Togdheer.

Ø  In uu Shaxda u magacaabo Degmo, taasi oo ka tirsanaan doonta Gobolka Xaysimo.

Ø  In uu Wadaamagoo  u magacaabo Degmo, taasi oo ka tirsanaan doonta Gobolka Saraar.

Ø  In uu Adhi-cadeeye  u magacaabo Degmo, taasi oo ka tirsanaan doonta Gobolka Sool.

Ø  In uu Gumburaha u magacaabo Degmo, taasi oo ka tirsanaan doonta Gobolka Hawd.

Dastuurka Somaliland ayaa xaq u siinaya madaxweynaha Jamhuuriyadda Somaliland inuu magacaabi karo degmooyin iyo goboladda cusub, haddii loo baahdo, gobolka iyo degmaddu buuxiyaan shuruudaha looga baahan yahay.