Diinsoor – (warsoor) – Hogaamiye Sare oo ka tirsan xarakadda Al-shabaab ayaa lagu khaarijiyey degmadda Diinsoor ee gobolka Baay, sida ay xaqiijisay wakaaladda wararka ee SONNA.
Masuul ka tirsan dawladda Goboleedka Koonfur-galbeed Soomaaliya ayaa warbaahinta u xaqiijiyey in ciidamadda maamul-goboleedku ay ku guulaysteen inay khaarajiyaan Hogaamiye sare oo ka tirsan xarkaadda Al-shabaab oo ay sheegeen in ay in muddo ah ku daba-joogeen dhaqdhaqaaqyaddiisa.
Maxamed Isxaaq oo ka tirsan maamulka Goboleedka Koonfur-galbeed ayaa ka warbixinaayey hogaamiyahan la dilay ee ka tirsan xarakadda Al-shabaab ayaa yidhi, “Horjoogaan waxaa uu kooxaha nabadiidka ah u qaabilsanaa dhinaca amniyaadka, ciidamada Koongfur-Galbeed ayaa ku dilay degmada Diinsoor, runtii wuxuu u ahaa iyaga nin muhiim ah”.
Mudooyinkan dambe waxaa la kordhiyey hawl-galadda ay waddaan ciidamada dawladda federaalka Soomaaliya oo taageero dhinaca milatariga ah ka helaysa ciidamada Amisom iyo kuwo ka socda waddamada reer Galbeedka iyo Maraykanka. Hawl-galadda ayaa laayey hogaamiyayaan iyo naftoo-hurayaal ka tirsan xarakadda Al-shabaab kuwaasi oo ka dagaal kala soo horjeeda dalalka reer galbeedka iyo dawladdaha Soomaaliya ka tirsan.