Madaxweynaha Puntland oo daah furay Barnaamijka Qorsheynta dhulka caasimadda Garoowe

GAROOWE – (WARSOOR) – Madaxweynaha dowlad goboleedka Puntland Mudane Siciid Cabdullaahi Deni, ayaa daah furay Barnaamijka Qorsheynta dhulka Caasimadda Garoowe.

Kulan oo ka dhacay xarunta Hay’adda Cilmi baarista Puntland ee PDRC, ayaa lagu soo bandhigay xog maqal iyo muuqaal ah oo hab farshaxameysan ay dowladda hoose ee Garoowe ku faah faahisay Qorsheynta dhulka caasimadda iyo sida loo hirgelinayo.

Mudane Deni ayaa u digay dadka inta badan dhulka xoogga ku qabsaday, isagoo faray laamaha amniga iyo hay’adda garsoorka in dadkii lagu helo dhul boob la marsiinayo sharciga.

Madaxweynaha Puntland ayaa muujiyay muhiimada ay leedahay in Mustaqbalka Garoowe loo diyaariyo mid horumarsan oo ka qurux badan dhinac dhisme iyo dhinac kasta, wuxuuna ku baaqay dowlad iyo shacab in taasi laga wada shaqeeyo.

This post is also available in: Somali

Share via
Copy link
Powered by Social Snap