Kulan lagu soo bandhigayay sharciga lagu dhaqayo Gaadiidka noocyadiisa kala duwan oo maanta lagu qabtay Muqdisho

Muqdishi -(warsoor) – Kulankaan oo lagu soo bandhigayay sharciga lagu dhaqayo Gaadiidka noocyadiisa kala duwan  oo ay soo saartay Wasaaradda  Gaadiidka iyo Duulista Hawada Xukuumadda Federaalka Soomaaliyeed,  kaasi oo ay soo qaban qaabisay Wasaaradda ayaa lagu qabtay magaalada Muqdisho

Fadhigan ayaa waxaa  ka soo qeyb galay  Wasiiro, xildhibaano, Taliska Ciidanka ilaalada nabad gelyada wadooyinka ee Taraafiko,  gaadiidleyda,  qaar ka mid ah Ganacsatada  Gaadiidka  iyo marti sharaf kale.

Cisman Xasan Cilmi oo ku hadlayay magaca ganacsatada gaadiidka  ayaa ka  hadlay muhiimadda  sharcigan uu u leeyahay, waxaana xusay in uu yahay shircigan  mid loo baahan yahay xiligaan.

Garyaqaanka  Guud ee dowladda federaalka Soomaaliya Dr. Cisman  Cilmi Guuleed  oo ka hadlay kulanka ayaa sheegay in sharcigaan lagu dhaqayo Gaadiidka noocyadiisa kala duwan uu leeyahay ahmiyad gaar ah.

Wasiirka Waraaradda  Gaadiidka  Duulista Hawada  Soomaaliya Maxamed  C/llaahi Salaad oo isna madasha kulanka ka hadlay ayaa sheegay in sharcigaan uu qeyb weyn ka  qaadanayo dhinaca amniga muhiimna uu yahay xilgan.

 

XIGASHO: SONNA

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.