Laas-caanood – (WARSOOR) – Guddi Hoosaadka Golaha Wakiilada ee Dabagalka iyo ilaalinta Hantida Qaranka, ayaa safar uga bilaamay Gobolka Sool.
U jeedada safarkooda ayaa daaran soo kormeerida mashaariicdii horumarineed ee laga fuliyay Gobolada iyo Degmooyinka Dalka
Mashaariic-daas ayaa ku jiray xisaab Xidhkii sanadka 2020.
Guddida ayaa Kormeerkan ku mari doonta dhammaan Gobolada Somaliland .
Sidoo kale Guddida ayaa inta aanay gaadhin magaalada Laascaanood sii maray Magaalada #Yagoori oo ay shalay ka furantay gogol nabadeed oo lagu heshiisiineyey Laba Beelood oo wallaalo ah , isla markaana kulamo la sii qaatey wasiirka Wasaarada Arimaha Gudaha iyo Gudoomiyaha Golaha Wakiilada JSL.